சில்லறை வணிகத்தில் அன்னிய நேரடி முதலீட்டை அனுமதிப்பது குறித்து வாக்கெடுப்புடன் கூடிய விவாதத்துக்கு அனுமதி தந்தால் மட்டுமே, நாடாளுமன்றத்தை சுமுகமாக நடத்த ஒத்துழைப்பு தருவோம் என பா.ஜ.க மற்றும் கம்யூனிஸ்ட் கட்சிகள் கருத்து தெரிவித்துள்ளன .

இது குறித்து அருண் ஜேட்லி தெரிவித்ததாவது : நாடாளுமன்றத்தை சுமுகமாக நடத்த அரசு விரும்ப வில்லை. எனவேதான், எந்தக்கொள்கை மீதும் வாக்கெடுப்புடன் கூடிய விவாதம் நடத்த அனுமதி மறுக்கபடுகிறது . நாடாளுமன்றத்தில் வாக் கெடுப்பு நடத்தாமல், சில்லறை வர்த்தகத்தில் அன்னியநேரடி முதலீட்டை அமல்படுத்தக் கூடாது.

இது அமல்படுத்தப் பட்டால், உற்பத்தித் துறை முதலில் பாதிக்கப்படும். வேலை யிழப்பு ஏற்படும். கடைகள் அமெரிக்காவை சேர்ந்ததாக இருக்கும் ; பொருள்கள் சீனாவிலிருந்து வரும். இந்தியா விற்பனையாளராக மட்டும் இருக்கும். இந்திய பொருளாதார சீர்திருத்தம் நம்மால் வடிவமைக்கப்பட்டதாகவும் , நமக்கானதுமாகவும் இருக்க வேண்டும் என்றார் ஜேட்லி.

சீதாராம் யெச்சூரி கூறியது: எங்களுக்குள் அரசியல் ரீதியில் கொள்கைவேறுபாடு இருக்கலாம். ஆனால், இது நாட்டுக்கு கவலை அளிக்கக்கூடிய பிரச்னை என்பதால், இணைந்து செயல் படுவோம். பாஜக, கம்யூனிஸ்ட்க்குள் கருத்தொற்றுமை இல்லா விட்டால், ஒரேமேடையில் அமர்ந்திருக்க மாட்டோம். நாட்டின் நலன்கருதியே அன்னிய நேரடி முதலீட்டுக்கொள்கையை எதிர்க்கிறோம் என்றார்.