குஜராத் முதல்வரும், பாஜக தேர்தல் பிரச்சார குழு தலைவருமான நரேந்திரமோடி, இன்று தேர்தல் பிரச்சாரத்தின் முதல்உரையை பீகாரில் தொடங்குகிறார்.

பாட்னாவில் இன்று மாலை 6 மணிக்கு மாநில பாஜக நிர்வாகிகள், பேச்சாளர்கள்கூட்டம் கூட்டப்பட்டுள்ளது. இதில் மாநில மற்றும் மாவட்ட நிர்வாகிகள் சுமார் 1500 பேர்வரை கலந்து கொள்கிறார்கள்.

கூட்டத்தில் நரேந்திர மோடி வீடியோ கான்பரன்சிங் மூலம் உரை நிகழ்த்தி ஆலோசனைகள் வழங்குகிறார். மேலும் தேர்தல்பிரசாரம் எப்படி இருக்கவேண்டும். காங்கிரஸ் அரசின் ஊழல்களை மக்கள் மத்தியில் எப்படி எடுத்துச் சொல்ல வேண்டும் என அறிவுரை வழங்குகிறார்.

இந்தகூட்டம் 3 பிரிவாக நடைபெறும். ஒவ்வொரு கூட்டத்திலும் 500 பேர் கலந்துகொள்கிறார்கள். ஒவ்வொரு பிரிவிலும் 5 பேர் நரேந்திர மோடியுடன் நேரடியாக விவாதம் நடத்துகிறார்கள். அவர்களுக்கு நரேந்திர மோடி பதில் தருகிறார்.

முதலாவதுகூட்டம் முடிந்ததும் அடுத்தடுத்து மூன்று கூட்டங்கள் நடைபெறும். மொத்தம் ஒருமணி நேரம் நரேந்திர மோடி நேரடியாக ஆலோசனை வழங்குகிறார். முதல் கூட்டத்தில் மாநில நிர்வாகிகள் செயற் குழு உறுப்பினர்கள் இடம்பெறுவார்கள். இரண்டாவது கூட்டத்தில் மாவட்ட வட்டார தலைவர்கள் கலந்துகொள்கிறார்கள். இதில் முன்னாள் துணை முதல்–மந்திரி சுஷில்குமார்மோடி, மாநில தலைவர் மங்கள் பாண்டே ஆகியோரும் பங்கேற்கிறார்கள்.