பாஜகவினரை மத வாதிகள் என்றும், குஜராத் கலவரத்திற்கு தொடர்பு இல்லை என்று பலமுறை நீதி மன்றங்கள் தீர்ப்புகள் கூறியும் நரேந்திர மோடி அவர்களை, தொடர்பு படுத்தி பேசியும், இஸ்லாமியர்கள் பயத்தில் வாழ்கிறார்கள் என்று நாகூசாமல் பேசும் மார்சிஸ்ட் கம்யூனிஸ்ட் கட்சியின் யோக்கியதை இது தான்.

முப்பத்து நான்கு ஆண்டுகள் மேற்கு வங்காளத்தை ஆண்ட மார்க்சிஸ்ட் கம்யூனிஸ்ட் கட்சி அந்த மாநிலத்தை வன்முறை மற்றும், கோரமான தன் கூலிபடைகளை கொண்டு அடக்கு முறையாலே ஆண்டு கொண்டிருந்தது. சீனாவில் கூட இப்படிப்பட்ட அடக்கு முறை இருந்திருக்குமா என்று சந்தேகமே.1964ல் கம்யூனிஸ்ட் கட்சியிலிருந்து பிரிந்த மார்சிஸ்ட் கம்யூனிஸ்ட், 1967ல் ஐக்கிய முன்னணி என்கின்ற கூட்டணியில் இனைந்து காங்கிரஸ் கட்சியை தோற்கடித்தனர்.

அதன் பிறகு அந்த ஆட்சி கலைக்கப்பட்டு மறுபடியும் 1969ம் ஆண்டு அரசு அமைத்தனர். சரியான வழியில் நடந்தால் ஆட்சி அதிகாரம் கிடைக்காது என்றெண்ணிய மார்சிஸ்ட் கம்யூனிஸ்ட் கட்சி குற்ற பின்னணி கொண்ட மற்றும் சிகப்பு அறிவு ஜீவிகள் கொண்ட இரு ரகசிய பிரிவுகளை அமைத்து 34 ஆண்டுகள் ஒவ்வொரு தேர்தலிகளிலும் குற்ற பின்னணி கொண்ட பிரிவை வைத்து கொண்டு வன்முறையை கையாண்டு ஆட்சியை பிடித்ததும், சிகப்பு அறிவு ஜீவிகள் பிரிவை சார்ந்தவர்களை அரசு துறைகள் மற்றும் கல்வி துறைகளில் நிரப்பி தங்கள் ஆட்சியை அதிகாரத்தை அடக்கு முறையால் பலபடுத்தி கொண்டது.

தங்களை எதிர்பதற்கு ஆளே இல்லமால் செய்தது. தற்போது ஊடகங்களை குறை கூறும் இந்த கட்சி, கணசக்தி என்ற பெயரில் ஒரு தின இதழையும், சௌபிஸ் கண்டா (24 மணி நேரம்), ஆகாஷ் பங்களா என்கின்ற இரு தொலை காட்சி சேனல்களையும் துவக்கி அதன் மூலம் பல பொய்களை பரப்பியது. சைன்-பாரி கொலைகள்-1970, மாறிச்-ஜான்பி படுகொலைகள்-1977, ஆனந்த மார்க் படுகொலைகள்-1982,கேஷ்பூர் வன்முறை-2000,நானுர் படுகொலைகள்-2000, சோட்டா அன்காரியா அழிவு-2001, சிங்கூர் கலவரம்-, தபாசி மாலிக் கற்பழிப்பு-2006, நந்திகிராம் இனபடுகொலை-2007, மங்கள்கோட் படுகொலைகள்-2009, நேதாய் துப்பாக்கி சூடு 2010 போன்ற பல சம்பவங்கள் மார்சிஸ்ட் கம்யூனிஸ்ட் கட்சியின் அரசில் நடந்துள்ளது.

இப்படிப்பட்ட அராஜக செயல்களுக்கு துணை போன மார்க்சிஸ்ட் கம்யூனிஸ்ட் கட்சிக்கு, அமைதி பூங்காவான குஜராத்தை பற்றியும்,விமர்சனம் செய்வதற்கு அருகதை உள்ளதா? நரேந்திர மோடியின் ஆட்சியை பற்றியும் குறை கூறுவதற்கு அந்த மக்களால் தூக்கி எறியப்பட்டது. இனி அந்த கட்சியால் மறுபடியும் அதிகாரத்திற்கு வர முடியுமா? இதற்கு மாற்றாக வந்த மம்தா பானர்ஜி சரியாக ஆட்சி செய்யாததால், மக்கள் வெறுத்து போயுள்ளார்கள். இதற்கு மாற்று பாஜக தான் என்பதில் ஐயம் இல்லை. இந்த பாராளுமன்ற தேர்தலில் பாஜகவின் பிரச்சாரம் மேற்கு வங்காளத்தில் சிறப்பாக இருந்தது என்று சொல்லப்படுகிறது. மாற்றம் வருமா? காலம் பதில் சொல்லும்