பாதுகாப்பு துறையில் தன்னிறைவு பெறவேண்டுமானால் ராணுவ தளவாடங்களை உள்நாட்டிலேயே தயாரிப்பதில் கவனம் செலுத்தவேண்டும் என பிரதமர் நரேந்திர மோடி வலியுறுத்தியுள்ளார்.

இந்துஸ்தான் ஏரோ நாட்டிக்ஸ் நிறுவனம் சார்பில் கர்நாடக மாநிலம் தும கூறு மாவட்டம் பிதர் ஹல்ல கவால் பகுதியில் ரூ.5 ஆயிரம்கோடி மதிப்பில் உருவாக உள்ள ஹெலிகாப்டர் தொழிற்சாலைக்கான அடிக்கல் நாட்டுவிழா நேற்று நடைபெற்றது. இதில் கலந்து கொண்ட பிரதமர் மோடி பேசியதாவது:

நமது ராணுவ வீரர்கள் நாட்டுக்காக எவ்வித தியாகத்தையும் செய்யத்தயாராக உள்ளனர். ஆனால், அவர்கள் பயன்படுத்தும் கருவிகள் மற்றும் ஆயுதங்கள் உலகிலேயே மிகச்சிறந்ததாக இருப்பதை உறுதிசெய்ய வேண்டிய தருணம் வந்துவிட்டது.

ராணுவத்துக்காக ஏராள மான ஆயுதங்கள் வெளிநாடுகளி லிருந்து நாம் இறக்குமதி செய்கி றோம். அவை விலை உயர்ந்த வையாக உள்ளதால் இதற்காக கோடிக்கணக்கான பணம் செல வாகிறது. அதேநேரம் அவை நவீன தொழில்நுட்பத்துடன் கூடிய தாக இல்லை. எனவே, ஆயுத இறக்குமதி தொடர்பாக வெளி நாட்டு நிறுவனங்களுடன் ஒப்பந்தம் போடும் போது, இந்தியாவில் உற்பத்திப் பிரிவை தொடங்கவேண்டும் என வலியுறுத்த வேண்டும்.

குறிப்பாக, பாதுகாப்புத் துறையில் தன்னிறைவு பெற வேண்டுமானால், நமது ராணுவத்துக்கு தேவையான ராணுவ தளவாடங்களை உள்நாட்டிலேயே உற்பத்திசெய்வதில் கவனம் செலுத்தவேண்டும்” என்றார்.