மறைந்த மக்களின் ஜனாதிபதி அப்துல்கலாம் அடக்கம் செய்யபட்ட இடத்தில் ஆயிரக் கணக்கான மக்கள் அலை அலையாக வந்து அஞ்சலி செலுத்தி வருகின்றனர் . போலீஸ் தடுப்புகளை உடைத்துவிட்டு மக்கள் குவிந்து வருவதால் போலீஸாரும் மக்களின் உணர்வுகளை புரிந்துகொண்டு விலகி விட்டனர்.

பிரதமர் மோடி உள்ளிட்ட தலைவர்கள் இருந்தவரை போலீஸார் மக்களை கலாம் அடக்கம் செய்யப்பட்ட இடத்திற்கு அருகில் நெருங்கவிடவில்லை. ஆனால் தலைவர்கள் சென்றபின்னர் மக்கள் பொறுமை இழந்தனர். போலீஸாரின் தடுப்புகளையும் மீறி உள்ளே புகுந்துவிட்டனர். தற்போது கலாம் அடக்கம் செய்யப்பட்ட இடத்திற்கு சென்று அதைதொட்டு வணங்கியும், பூக்களைத் தூவியும் அஞ்சலிசெலுத்தி வருகின்றனர்.

நாலாபுறங்களிலிருந்தும் மக்கள் ஆயிரக் கணக்கில் திரண்டுவந்து அஞ்சலிசெலுத்தி வருவது நெகிழ்ச்சியூட்டுவதாக உள்ளது. தொடர்ந்து மக்கள் வந்த வண்ணம் உள்ளனர்.